ДУШАНБЕ, 10 авг — Sputnik. Президенти Тоҷикистон, Эмомалӣ Раҳмон бо кишвардори Русия Владимир Путин телефонӣ суҳбат кард.
Зимни мулоқот масъалаҳои мубрами рушди ҳамкориҳои дуҷониба ва рӯзномаи байналмилалӣ мавриди баррасӣ қарор гирифтанд.
Дар ин бора, хадамоти матбуотии президенти Тоҷикистон гузориш медиҳад.
Гуфта мешавад, ки президенти Русия оид ба натиҷаҳои асосии музокирот бо ҷониби ИМА маълумот додааст.
Эмомаӣ Раҳмон аз пешниҳоди маълумот аз талошҳо ҷиҳати дарёфти роҳҳои сиёсиву дипломатии ҳалли қазияи Украина пуштибонӣ кардааст.
Ҳамзамон, зимни мулоқот, омодагии ҷонибҳо барои андешидани тадбирҳои муштарак ҷиҳати рушди муносибатҳои шарикии стратегӣ миёни Тоҷикистон ва Русия таъкид гардид.
Манбаъ афзуда, ки дар баробари ин, сарони давлатҳо нақшаи вохуриҳои дарпешистодаи сатҳи олиро ҳам дар қолаби дуҷониба ва ҳам бисёрҷониба баррасӣ карданд.