ДУШАНБЕ, 1июл — Sputnik. Дар Тоҷикистон Стратегияи ҷалби сармоя ба ҷумҳурӣ барои 15 соли баъд таҳия шудааст.
Ин стратегияро, ки то соли 2040 пешбинӣ мешавад, Султон Раҳимзода - раиси Кумитаи давлатии сармоягузорӣ ва идораи амвол дар маҷлиси ҳукумат дар ҳузури Эмомалӣ Раҳмон муаррифӣ кард.
Таъкид гардид, ки ҳадафи ин роҳбурд баҳри беҳтар кардани фазои сармоягузории кишвар, ҳавасмандгардонии фаъолияти сармоягузорӣ, тақвияти ҳамкории давлат ва бахши хусусӣ, рушди фаъолияти соҳибкорӣ ва ҷалби сармоя, бахусус сармояи мустақими хориҷӣ мебошад.
Раисҷумҳур супориш додааст, ки ниҳодҳои дахлдор дар доираи маблағҳои пешбинигардидаи буҷети давлатӣ ва сарчашмаҳои дигар амалигардонии стратегияи мазкур ва нақшаи чорабиниҳои онро таъмин намоянд.
Ба гузориши дафтари матбуоти раисҷумҳур, дар ҷаласа ҳамчунин нақшаи кори Ҳукумати Тоҷикистон дар нимсолаи дуюми соли 2025 муҳокима шуд.
Дар фарҷом Раҳмон барои омодагӣ ба зимистон аз ҳозир дастур дод.
Истифодаи самараноки неруи барқ, омодагии ҳамаҷониба ба соли нави таҳсили солҳои 2025-2026 аз дастурҳои дигари раисҷумҳури Тоҷикистон дар ҷаласаи ҳукумат буд.