ДУШАНБЕ, 14 июн — Sputnik. Тоҷикистон аз қатъномаи Созмони Милали Муттаҳид дар бораи оташбас дар навори Ғазза пуштибонӣ кард.
Ин санадро 149 кишвари ҷаҳон, аз ҷумла Русия, Эрон ва наздиктарин ҳамсояҳои Тоҷикистон дар минтақа пазируфтанд ва 19 кишвар худдорӣ карданд.
Дар матн талаби "оташбаси фаврӣ, бечунучаро ва доимӣ, ки бояд аз тарафи хамаи тарафхо риоя карда шавад" иборат аст.
Илова бар ин, дар ин қатънома аз Исроил даъват шудааст, ки муҳосираро ба ҳадафҳои башардӯстона лағв кунад, то кумак ба мардуми Фаластин бирасад.
Ва 12 кишвар, бо шумули Исроил ва Амрико, алайҳи ин санад, ки гаравгонҳоро ба озодӣ ва ё маҳкум кардани Ҳамос муваззаф намекунад, баромад карданд.
Қаблан нерӯҳои Исроил ба Эрон ҳамла карданд. Дар ҷараёни амалиёт Муҳаммад Бағерӣ, раиси ситоди кулли ҶИА, фармондеҳи Сипоҳи посдорони инқилоби Эрон ва дастикам шаш донишманди ҳастаӣ кушта шуданд.
Теҳрон бо ҳамла ба Исроил бо ҳавопаймоҳои бесарнишин посух дод. Давлати яҳудӣ интизор дорад, ки ин амалиёт чанд рӯз идома кунад ва дар ин кишвар вазъияти изтирорӣ эълом шудааст.