ДУШАНБЕ, 20 мая — Sputnik. Дар шоҳроҳи Алмаато-Екатеринбург дар вилояти Қустанай садамаи бузурги нақлиётӣ рух дод.
Бар асари садамаи нақлиётӣ 6 шаҳрванди Тоҷикистон кушта ва 4 тани дигар ҷароҳат бардоштаанд.
Ин хабарро ба Sputnik Тоҷикистон аз Вазорати корҳои хориҷии Тоҷикистон тасдиқ карданд.
“Сафорати мо огаҳӣ дорад аз ин ҳодисаи нохуш. Аз ҷониби Сафир, ҷиҳати дарёфти маълумоти иловагӣ кормандони масъул муваззаф шудаанд”, қайд кард Вазорати умури хориҷии Тоҷикистон.
Ба гуфтаи пулиси маҳалли Қазоқистон, дар наздикии гузаргоҳи Қайрак дар вилояти Қустанай як мошини “Форд Транзит”, ки ҳомили шаҳрвандони хориҷӣ буд, ба мошини боркаши DAF бархӯрдааст.
© Sputnik
Ҷабрдидаҳо бо ҷароҳатҳои гуногун ба бемористони ноҳияи Қарабалик интиқол ёфтанд.
Сафорати Тоҷикистон дар Қазоқистон дар ҳоли ҳозир дар бораи ин ҳодиса ва шаҳрвандоин маҷрӯҳшуда маълумоти дарёфт доранд.
Пулиси маҳаллии Қазоқистон гуфт, дар ҷои ҳодиса гурӯҳи фаврии тафтишотӣ кор мекунад.