ДУШАНБЕ, 14 май — Sputnik. Президенти Тоҷикистон, Эмомалӣ Раҳмон ба қонунҳое, ки Маҷлиси намояндагон ва Маҷлиси миллии Маҷлиси Олии Тоҷикистон қабул ва ҷонибдорӣ намудаанд, имзо гузошт.
Дар ин бора Хадамоти матбуоти раисҷумҳури Тоҷикистон хабар додааст.
Ба иттилои манбаъ, қонуни Тоҷикистон "Дар бораи сармоя ва ҳавасмандгардонии фаъолияти сармоягузорӣ", қонунҳои Тоҷикистон оид ба ворид намудани иловаҳо ба "Кодекси ҷиноятии Тоҷикистон" ва ба Қонун "Дар бораи уҳдадории ҳарбӣ ва хизмати ҳарбӣ" аз ҷумлаи онҳо мебошанд.
Қайд карда шудааст, ки қонуни Тоҷикистон "Дар бораи сармоя ва ҳавасмандгардонии фаъолияти сармоягузорӣ" ба дастгирии давлатии сармоягузорӣ ва беҳтар намудани фазои сармоягузорӣ равона гардидааст.
Аз ҷумла қонуни кишвар "Дар бораи ворид намудани илова ба Кодекси ҷиноятии Тоҷикистон" бошад ҷавобгарии ҷиноятиро барои дар шабакҳои иҷтимоӣ гузоштани лайк ё дигар аломат бекор мекунад.
Таъкид шудааст, ки қонунҳои баимзорасида барои рушди иқтисодиву иҷтимоии кишвар ва баланд бардоштани зиндагии мардум мусоидат менамоянд.