ДУШАНБЕ, 27 апр — Sputnik. Эмомалӣ Раҳмон ба Масъуд Пизишкиён дар робита ба инфиҷори бандари "Шаҳид Раҷоӣ" номаи таслият фирист.
Дар ин бора сафорати Эрон дар Тоҷикистон хабар дод.
"Раиси ҷумҳури Тоҷикистон дар робита ба таркиши бандаре дар Эрон, ки боиси куштаву захмӣ шудани шаҳрвандони ин кишвар шуд, ба Масъуд Пизишкиён, раиси ҷумҳури Эрон номаи таслият равон кардааст", - омадааст дар хабари сафорат.
Ба гуфтаи манбаъ, Эмомалӣ Раҳмон дар номаи худ гуфтааст, ки ин “инфиҷори даҳшатовар” ва куштаву захмӣ шудани шаҳрвандони Эрон ӯро сахт ғамгин кардааст.
“Инҷониб зимни ҳамбастагӣ бо Ҷумҳурии Исломии Эрон дар ин ҳодисаи талх, ҳамдарди ва таслияти худро ба шумо, давлат ва миллати дӯсти Эрон самимона иброз дошта, аз Худованди манон барои марҳумон раҳмату мағфират ва барои маҷруҳон шифои комил хоҳонам”, - изҳор доштааст раиси ҷумҳури Тоҷикистон.
Ёдрас мешавем, ки таркиш дар бандари “Шаҳид Раҷоӣ” дар шаҳри Бандар Аббоси вилояти Ҳурмузгони Эрон рӯзи 26-уми апрел рух дод.
Дар пайи ин ҳодиса, бар асоси охирин маълумот, 25 нафар ҷон бохта беш аз 1000 нафар захмӣ шудаанд.