ДУШАНБЕ, 24 апр — Sputnik. Кишварҳои Иттиҳодияи иқтисодии АвруОсиё (ИИАО) тасмим доранд, механизми дастгирии молиявии кишоварзонро ба роҳ монанд.
Дар он аз пардохти фоизи қарзҳо ҳисоби буҷаи иттиҳолияи ва қарзҳо, ки аз ҷониби ташкилотҳои молиявӣ дода мешаванд, дар бар мегирад.
Бино ба иттилои Вазорати савдои Қазоқистон, дар асоси таҳлили вазъи кунунии соҳаи кишоварзии кишварҳои узви Иттиҳодияи иқтисодии АвруОсиё ва бо назардошти аҳамияти бахши кишоварзӣ барои иқтисоди кишварҳои узви иттиҳод, як қатор самтҳои афзалиятнок муайян карда шудаанд.
Ба инҳо дохил мешаванд: рушд додани селексия ва тухмипарварии растаниҳои кишоварзӣ, рушди устувори чорводорӣ, коркарди маҳсулоти кишоварзӣ ва рушди зерсохтори комплекси агросаноатй.
"Имрӯз корҳо дар бораи ворид намудани тағйирот ба заминаи меъёрии ҳуқуқии ИИАО, аз ҷумла таҳияи лоиҳаи меъёрии дахлдор, ки бояд шартҳои асосии механизми кӯмаки молиявӣ ва меъёрҳои интихоби лоиҳаҳои кооператсияро дар комплекси агросаноатиро муайян кунанд, оғоз гардид", — хабар медиҳад Вазорати савдои Қазоқистон.
Натоиҷи он дар нишасти навбатии Комиссияи иқтисодии АвруОсиё дар нимаи дувуми сол эълом хоҳад шуд.