ДУШАНБЕ, 23 апр — Sputnik. Маскав аз талошҳои Ереван барои пайвастан ба Иттиҳодияи Аврупо нигарон аст.
Муовини вазири умури хориҷии Русия Александр Грушко ба рӯзноманигорон гуфт, ки агар Арманистон ба бозиҳои геополитикии Ғарб кашида шавад, метавонад манфиатҳои худ дар ИИАО-ро аз даст диҳад.
Оқои Грушко аз талошҳои Ереван барои пайвастан ба Иттиҳодияи Аврупо изҳори нигаронӣ кард.
"Табиист, ки талошҳои Арманистон барои шомил шудан ба Иттиҳодияи Аврупо нигаронкунанда аст, зеро ин орзуҳо бо узвияти ин кишвар дар ИИАО созгор нест ва мо дар тамосҳои сершумори худ бо ҳамкасбони арманӣ дар ин бора ҳарф мезанем",- таъкид кард дипломати рус.
Вай илова кард, ки Арманистон ба шарофати узвияташ дар ИИАО бо суръати хуб рушд дорад.
Мақомдори рус гуфт, ки рушди иқтисоди ин кишвар дар тамоми соҳаҳои мушоҳида мешавад.
“Ин дороии бузург аст, агар Ғарб онро ба бозии геополитикии худ ҷалб кунад, Арманистон онро аз даст медиҳад", - таъкид кард муовини вазири умури хориҷа.