ДУШАНБЕ, 12 апр — Sputnik. Музокироти президенти Русия Владимир Путин ва фиристодаи махсуси президенти ИМА Доналд Трамп, Стив Уикофф ба ҳалли Украина бахшида шуда буд.
Дар ин бора Кремл хабар дод.
"Мавзӯи мулоқот ҷанбаҳои ҳалли низоъи Украина аст", — гуфта мешавад дар хабари Кремл.
Мулоқот зиёда аз чор соат давом кард.
Пас аз ин мулоқот эҳтимол суҳбати навбатии телефонии президентҳои Русия ва Амрико, Владимир Путин ва Доналд Трамп баргузор гардид, гуфт сухангӯи президенти Русия Дмитрий Песков.
Сафири махсуси президенти ИМА Доналд Трамп Стив Уиткофф субҳи 11 апрел ба Санкт-Петербург парвоз кард. Мақсади сафари Уиткофф дар аввал мушаххас карда нашуд. Баъдтар Песков хабар дод, ки Уиткофф бо Путин мулоқот мекунад.
Қаблан президенти Русия Владимир Путин роҳи хотима додани низоъро дар Украина номбар карда буд.
Ба гуфтаи ӯ, барои ҳалли сулҳ дар Украина бояд сабабҳои аслии низоъ бартараф карда шаванд, бояд амнияти Русияро барои дурнамои тӯлонии таърихӣ таъмин кард.
Дар баробари ин, Путин пешниҳод кард, ки имконияти ҷорӣ кардани идоракунии муваққатӣ дар Украина таҳти сарпарастии СММ дар якҷоягӣ бо ИМА, кишварҳои Аврупо ва шарикони Русия баррасӣ карда шавад.