ДУШАНБЕ, 26 мар — Sputnik. Михаил Мишустин, сарвазири Русия, бахши муҳоҷиратро ҳассос номида, таъкид кард, ки бахши аъзами муҳоҷирати ғайриқонунӣ ба субот ва амнияти ҷомеа таҳдид мекунад.
Рӯзи чаҳоршанбе Мишустин ба Думаи давлатӣ дар бораи кори ҳукумат дар соли 2024 гузориш дод.
"Сиёсати муҳоҷират як масъалаи ниҳоят ҳассос аст, ки ҷанбаҳои гуногун дорад. Ҳиссаи зиёди муҳоҷирати ғайриқонунӣ ба таври умум таҳдид ба субот ва амнияти ҷомеа аст. Аммо аз нигоҳи стратегӣ, бояд аввал вазифаҳои ҳифзи ҳуқуқ ҳал карда шаванд ва баъдан бояд ба масъалаи шумору сифати муҳоҷирони меҳнатӣ вокуниш нишон диҳад", гуфт ӯ.
Ёдовар мешавем, ки ахиран мақомоти Тоҷикистон аз муҳоҷирони меҳнатии тоҷик хоҳаиш кард, ки ҳузури худро дар Русия ҳузури худро қонунӣ гардонанд.
Намояндагии вазорати меҳнат, муҳоҷират ва шуғли аҳолӣ дар Русия қайд кардааст, ки то анҷоми қонунигардонии муҳоҷирони тоҷик дар Русия ҳамагӣ 35 рӯз боқӣ мондааст.
Ёдовар мешавем, ки тибқи фармони президенти Русия аз 30 декабри соли равон шаҳрвандони хориҷӣ имкон доранд, ки дар қаламрави Русия то 30 апрели соли равон фаъолият ва ҳуҷҷатҳои будубошро тартиб дода, дар кишвари иқомат расман кору фаъолият намоянд.