ДУШАНБЕ, 22 мар — Sputnik. Афзоиши маҷмӯи маҳсулоти дохилии кишварҳои ИДМ дар соли гузашта 4,4%-ро ташкил дод, хабар медиҳад дафтари матбуоти Кумитаи омори байнидавлатии ИДМ хабар додааст.
"Суръати баландтарини афзоиш дар Тоҷикистон - 8,4% ва Қирғизистон - 9% ба қайд гирифта шудааст", - омадааст дар гузориш.
Бино ба иттилои дафтари матбуоти ин ниҳод, афзоиши ММД дар кишварҳои дигари ИДМ низ мушоҳида шудааст.
Аз ҷумла рушди ММД дар Озарбойҷон – 4,1%, Арманистон – 5,9%, Беларус – 4%, Қазоқистон – 4,8%, Молдова – 0,6%, Русия – 4,1%, Туркманистон – 6,3%, Узбекистон – 6,5% ба қайд гирифта шудааст.
Ёдовар мешавем, ки маҷмӯи маҳсулоти дохилӣ Тоҷикистон то охири соли 2024 бештар аз 154,3 миллиард сомонӣ буд.
Тавре Вазорати рушди иктисод ва савдои Тоҷикистон хабар дод, 10 сол пеш, дар соли 2015 маҷмӯи маҳсулоти дохилии кишвар ҳамагӣ 51 миллиард сомониро ташкил медод.
Афзоиши ММД-и Тоҷикистон давоми 10 сол
© Sputnik
Қаблан хабар дода шуда буд, ки Бонки аврупоии таҷдиду Рушд (БАТР) рушди ММД-и Тоҷикистонро дар соли 2025 пешгӯи карда буд.
Бар асоси маълумоти таҳлилӣ, чунин бармеояд, ки афзоиши ММД дар кишвар дар соли 2024 8% ва дар соли 2025 7% хоҳад буд, мегӯянд коршиносони бонк. Ба гуфтаи коршиносон, ин ба далели афзоиши сармоягузорӣ ба инфрасохтор ва талаботи дохилӣ сурат хоҳад гирифт.