ДУШАНБЕ, 21 мар — Sputnik. Дар робита ба руйдодҳои рӯзҳои охир Сафорати Тоҷикистон дар Анкара аз шаҳрвандони Тоҷикистон, ки дар Туркия қарор доранд, даъват кардааст, ки аз иштирок дар чорабиниҳои оммавӣ дар қаламрави Туркия рӯзҳои наздик худдорӣ намоянд.
Ин огоҳинома ахиран дар саҳифаи cафорат дар яке аз шабакаҳои иҷтимоӣ расонаӣ шуд.
Сафорат таъкид кардааст, ки дар ҳолати пеш омадани вазъияти ғайримуқаррарӣ, шаҳрвандони Тоҷикистон метавонанд ба ин намояндагии дипломатӣ занг зананд.
Чанд рӯз аст, ки дар Истанбул ва Анқара тазоҳуроти густарда барои ҳимоят аз шаҳрдори боздоштшудаи Истанбул Акрем Имомуғлу мегузарад
Дар ин рӯзҳо ҳазорон нафар дар шаҳрҳои Туркия барои норозигӣ аз боздошти шаҳрдори Истанбул ба эътироз баромаданд.
Шаҳрдори Истанбул рӯзи 19-уми март бо иттиҳоми фасод ва ёрӣ ба як гурӯҳи террористӣ боздошт шудааст.
Ба иттилои расонаҳои Туркия, дар умум, дар доираи ин парванда наздик ба 100 нафар сиёсатмадорон, журналистон ва соҳибкорон дастгир шудаанд.
Бояд гуфт, ки Акрам Имомуғлу рақиби асосии раисҷумҳури Туркия Раҷаб Таййиб Эрдуғон дар интихоботи президентӣ мебошад.