Қаблан раҳбарони ду кишвар Эмомалӣ Раҳмон ва Владимир Путин дар ҳузури ҳамтои худ аз Беларус Александр Лукашенко мулоқоти ғайрирасмӣ анҷом доданд.
Тавре аз хадамоти матбуоти Кремл хабар доданд, дар мулоқоте, ки 17 март дар Маскав баргузор мешавад, Путин ва Раҳмон "дурнамои рушди минбаъдаи равобити шарикии стратегӣ ва иттифоқии Русия ва Тоҷикистон бо таваҷҷӯҳ ба ҳамкориҳои тиҷоратӣ, сармоягузорӣ ва башардӯстона" баррасӣ хоҳанд кард.
Вазорати умури хориҷаи Тоҷикистон хабар дод, ки "масоили ҳамкориҳои дуҷониба дар бахшҳои сиёсӣ, тиҷорӣ, иқтисодӣ, фарҳангиву гуманитарӣ ва ҳамчунин дар заминаи амният" баррасӣ хоҳад шуд.
Ҳамчунин табодули афкор дар бораи масъалаҳои мубрами минтақавӣ низ дар назар аст.
Гузашта аз ин, раҳбарони ду кишвар ба сохтмони Маркази байналмилалии таълимии кӯдакони болаёқат ва Театри давлатии драмавии русии ба номи Владимир Маяковский дар Душанбе ба таври фосилавӣ оғоз мебахшанд.
Дар поёни сафар як қатор санадҳои дуҷониба ба имзо хоҳанд расид.
Аз соли 1992 ин 88-умин сафари Раҳмон ба Русия аст. Бори охир раисҷумҳури Тоҷикистон моҳи декабри соли 2024 барои ширкат дар нишасти ғайрирасмии раҳбарони ИДМ ба Русия сафар карда буд.