ДУШАНБЕ, 14 мар — Sputnik. Владимир Путин, раисҷумҳури Русия ва Эмомалӣ Раҳмон, раисҷумҳури Тоҷикистон ба таври маҷозӣ дар маросими оғози сохтмони ду иншоот дар Душанбе ширкат мекунанд,хабар медиҳад Кремл.
Сухан дар бораи Маркази таълимии байналхалқӣ ва Театри давлатии драмавии русии ба номи Маяковский меравад.
"Владимир Путин ва Эмомалӣ Раҳмон дар маросими ифтитоҳи сохтмони Маркази байналмилалии таълимии кӯдакони болаёқат ва Театри давлатии драмавии русии ба номи Маяковский дар Душанбе тариқи видеоконфронс ширкат мекунанд", - омадааст дар хабар.
Ин дар чаҳорчӯби сафари раисиҷумҳури Тоҷикистон Эмомалӣ Раҳмон ба Русия, ки аз 15 то 17 март идома мекунад, сурат мегирад. Дар ҷараёни он мулоқоти сарвари ҷумҳурӣ бо раҳбари Русия Владимир Путин дар назар аст.
Ёдовар мешавем, ки созишномаи бунёди Маркази кӯдакони болаёқат дар Душанбе миёни Федератсияи Русия ва Тоҷикистон моҳи декабри соли 2023 баста шуда буд. Тибқи лоиҳа, омӯзиш тибқи стандартҳои таълимии ду кишвар сурат мегирад. Марказ барои 500 нафар донишҷӯён пешбинӣ шуда, имкони истиқомати солона барои 300 нафарро дорад.
Барои сохтмони театри драмавии ба номи Маяковский дар Душанбе 1 гектар замин ҷудо шудааст. Корҳои ибтидоӣ аз моҳи январи соли ҷорӣ идома доранд. Бино барои 500 тамошобин пешбинӣ шудааст.