ДУШАНБЕ, 13 мар — Sputnik. Эмомалӣ Раҳмон ва Содир Ҷабборов созишномаро дар бораи марзи Тоҷикистону Қирғизистон ба имзо расонданд.
Аъзоёни хайати аз имзои санади таърихӣ истиқбол карданд.
Ин созишномаи ниҳоӣ дар робита ба муайянкунии марзи ду кишвар аст.
Ҳамчунин, миёни вазоратҳои корҳои хориҷии ҳарду кишвар Созишнома оид ба зерсохтори обӣ-энергетикӣ ва Созишнома оид ба зерсохтори роҳу нақлиёт ба имзо расиданд.
Эмомалӣ Раҳмон зимни мулоқоти дуҷониба ва имзои созишнома қайд кардааст, ки маҷмӯи ҳуҷҷатҳои имзошуда дар равобити дуҷониба саҳифаи нав мекушояд.
"Боварӣ дорам, ки натиҷаҳои мулоқот ҳамкориҳои кишварҳоямонро ба сатҳи баландтаре мерсонад, ки ба манфиатҳои бунёдии халқҳоямон ҷавобгӯ бошад", - гуфтааст Эмомалӣ Раҳмон.
Содир Ҷабборов дар навбати худ таъкид кард, ки рушди муносибатҳои дӯстона ва неки ҳамсоягӣ бо Тоҷикистон яке аз афзалиятҳои асосии сиёсати хориҷии Қирғизистон мебошад.
"Кишварҳои моро таърих, анъана ва фарҳанги бостонӣ бо ҳам мепайвандад. Мо оид ба масъалаҳои муҳими минтақавӣ ва байналмилалӣ мавқеъҳои якхела дорем”, - гуфтааст Содир Жапаров.
Ёдовар мешавем, ки ӯзи 21-уми феврали соли равон Саймумин Ятимов ва Қамчибек Тошиев, раисони кумитаҳои давлатии амнияти миллии Тоҷикистону Қирғизистон дар шаҳри Бишкек созишномаи байниҳукуматии таъини хати марзи ду кишарро имзо карданд.
Қамчибек Тошиев, рӯзи 27-уми феврал, дар ҷаласаи парлумони Қирғизистон ҷузъиёти ин созишномаро шарҳ дод. Ӯ аз ҷумла гуфт, ки “муҳри махфӣ” ё “барои истифодаи хидматӣ” аз созишнома бардошта шуд ва дар идома муфассал дар бораи табодули қитъаҳои замин, ки дар асоси созишнома ба даст омад, маълумот дод.