ДУШАНБЕ, 2 мар — Sputnik. Иштироки интихобкунандагон дар интихоботи порлумонии Тоҷикистон то соати 09:00 22,1% расид.
Дар ин бора аз Комиссияи марказии интихобот ва раъйпурсии ҷумҳурӣ хабар доданд.
Тибқи қонун, агар дар қитъаҳои интихоботӣ зиёда аз 50% интихобкунандагон ҳозир шуда бошанд, овоздиҳӣ баргузоршуда ҳисобида мешавад.
Дар интихоботи порлумонии Тоҷикистон кадом ҳизбҳо ширкат доранд?
© Sputnik
Дар ҷумҳурӣ 41 ҳавзаи якмандатии интихоботй ва 3513 нуқтаи овоздиҳӣ ташкил карда шудааст.
Дар тамоми манотиқи Тоҷикистон қитъаҳои овоздиҳӣ то соати 20:00 ба вақти маҳаллӣ боз хоҳанд буд.
Маврид ба зикр аст, ки ба палатаи поёнии парлумони ҷумҳурӣ 63 нафар вакил интихоб мешавад.
Тибқи Қонуни асосии Тоҷикистон, вакилон ба муҳлати 5 сол – то соли 2030 интихоб мешаванд.
Ба иттилои Комиссияи марказии интихобот ва раъйпурсии Тоҷикистон, дар ҷараёни интихоботи порлумонӣ 229 нозири байналмилалӣ ҳузур доранд, ки 157 нафари онҳо аз кишварҳои ИДМ мебошанд.