ДУШАНБЕ, 28 фев — Sputnik. Ҳамидулло Фитрат, муовини сухангӯи ҳукумати Толибон дар вокуниш ба дидори вазирони хориҷаи Эрону Русия дар Теҳрон таъкиди онон бар аҳамияти таҳаввулот Афғонистон гуфт, “Аморати исломӣ бо ҳар ду кишвари равобит ҳасана дорад ва аз ҳамкориҳои онон дар арсаҳои мухталиф, ба вижа иқтисодӣ ва сиёсӣ қадрдонӣ мекунад”.
Фитрат афзуд, ки пешрафтҳои қобили таваҷҷуҳе дар таъомулоти Афғонистон, Эрон ва Русия мушоҳида шуда ва умед аст, ки ин равобит дар оянда беш аз пеш густариш ёбад.
Вазирони хориҷаи Эрон ва Русия дар нишаст муштараки хабарии ахири худ дар Теҳрон эълом карданд, ки таҳаввулоти Афғонистон аз мавзуъоти муҳими мавриди баҳси миёни ду кишвар аст ва машваратҳои муштарак дар ин замина идома хоҳад дошт.
Саидаббос Ароқчӣ вазири хориҷаи Эрон дар ин нишаст хабарӣ гуфт,ки Теҳрон ваМаскав ҳамвора таҳаввулоти Афғонистонро аз наздик дунбол кардаанд ва ин раванд идома хоҳад ёфт.
Ароқчи хотирнишон кард, ки ройзаниҳои мустамар миёни Эрону Русия дар мавриди Афғонистон барои дастёбӣ ба роҳҳалҳои муносиб дар оянда низ тадовум хоҳад дошт.
Сергей Лавров, вазири хориҷаи Русия низ тасреҳ кард, ки Маскав ба масоили Афғонистон аз тариқи ҳамкорӣ бо кишварҳои ҳамсоя ва дар чорчӯби ибтикороте чун формати Маскав расидагӣ мекунад.
ӯ афзуд ки Русия дар ҳамкориҳои минтақавӣ аз ҷумла нишаст кишварҳои ҳамсояи Афғонистон вагуруҳи чаҳорҷонибаи муташаккил аз Чин, Эрон, Русия ва Покистон нақши фаъоле ифо мекунад.
Лавров ҳамчунин таъкид кард, ки Афғонистон набояд ба фаромуше супурда шавад ва Маскав дар ҳамоҳангӣ бо кишварҳои ҳамсоя, ба дунболи роҳкорҳое барои ҳалуфасли масоили ин кишвар аст.
*-гурӯҳ барои амалҳои террористиаш таҳти таҳримҳои СММ қарор дорад.