ДУШАНБЕ, 6 фев — Sputnik. Нархи воридотии гази моеъ дар Тоҷикистон 54% афзуд, хабар дода масъулини Хадамоти зиддиинҳисорӣ Тоҷикистон зимни нишасти матбуотии ахир.
Ба иттилои ин ниҳод, дар моҳҳои январ-декабри соли 2024 аз ҷониби 16 субъект ба Тоҷикистон 368,7 ҳазор тонна гази моеъ ба маблағи 251 млн доллар бо нархи миёнаи 681 доллар барои як тонна ворид карда шудааст.
Манбаъ афзуд, ки ҳаҷми воридот нисбати ҳамин давраи соли қаблӣ 42,3 ҳазор тонна кам ва нархи миёнаи воридотии ҳар тонаи он ба ҳисоби миёна 238 доллар афзоиш ёфтааст.
Ҳамчунин ин ниҳоди давлатӣ хабар додааст, ки нархи фурӯши чаканаи сӯзишвории дизелӣ аз 9,4 то 11,6 сомонӣ ва бензини навъи АИ-92 бошад аз 10,2 то 10,8 сомониро ташкил менамояд.
Хадамоти зиддиинҳисорӣ муътадил будани бозори сӯзишвории дизелӣ ва бензинро дар Тоҷикистон ба муътадил будани нархи нафти навъи Brent дар бозори ҷаҳонӣ рабт дод.
Ин ниҳоди давлатии Тоҷикистон қайд кард, ки дар се моҳи охир аз 73,4 то 75,5 доллар барои як баррел боқӣ мондааст.