ДУШАНБЕ, 2 фев — Sputnik. Дар Тоҷикистон соли 2024 ба 198 нафар баҳои номувофиқ ба мансаби ишғолкардаашон додаанд.
Дар ин бора Агентии хизмати давлатии ҷумҳурӣ гузориш дода гуфтааст, ки баҳогузорӣ дар асоси хулосаҳои комиссияҳои аттестатсионӣ гирифта шуд.
Ин ниҳод мегӯяд, ки аз ин шумор барои аз мансаб озод кардани 38 нафар тавсия додаас.
Ҳамзамон тибқи тавсияҳои ин ниҳод, 138 нафар барои такмили ихтисос, 12 нафар барои азнавтайёркунӣ ва 10 нафари дигар ба мансаби пасттар гузаронида шудаанд.
Агентӣ дар соли 2023 202-нафарро ба мансабҳояшон номувофиқ хонда буд.
Дар умум дар соли 2024 аз шумораи 18801 нафар хизматчиёни давлатии фаъолияткунанда 14546 нафар ё 77,3% онҳо ба баҳодиҳӣ фаро гирифта шуданд.
Таъкид шудааст, ки Тибқи хулосаҳои комиссияи аттестатсионӣ аз 3251 (зан-657) нафар хизматчиёни давлатии ба аттестатсия фаро гирифташуда 3053 нафар, аз он зан-633 (соли 2023-3093, зан-609) нафар ба мансаби ишғолнамуда мувофиқ баҳогузорӣ карда шуданд.
Аз ин ҳайат 64 нафар, ки он аз он 17 нафараш зан таст, барои ба мансаби баландтар таъин намудан тавсия гирифтаанд.
Инчунин 82 нафар барои дохил кардан ба захираи кадрҳои роҳбарикунандаи хизмати давлатӣ, 72 нафар барои пеш аз муҳлат додани рутбаи тахассусии навбатӣ мувовиқ хонда дониста шудаанд.
Ба гузориши агентӣ, дар ин давра барои ишғоли 11115 (соли 2023-8376) мансаби холии маъмурии хизмати давлатӣ озмун эълон карда, барои ишғоли 4737 мансаби холӣ бо иштироки 6383 нафар довталаб озмун гузаронидааст.
Дар натиҷа ба 4173 нафар, аз он зан 1155 нафар довталаб барои ишғоли мансабҳои холии маъмурии хизмати давлатӣ тавсия додааст.