ДУШАНБЕ, 20 дек — Sputnik. Санҷиш барои муайян кардани сатҳи донистани забони русӣ пеш аз қабули кӯдакони муҳоҷир ба мактабҳои Русия ройгон хоҳад буд.
Дафтари матбуоти вазорати маорифи Русия хабар дод, ки имтиҳонҳои забони русиро дар муассисаи давлатӣ ё маҳалӣ супоридан мумкин аст.
"Санҷиши донистани забони русӣ барои дохилшавӣ ба мактаб дар муассисаҳои таълимии давлатӣ ё маҳалӣ ба таври ройгон гузаронида мешавад", - омадааст дар хабар.
Ҳамзамон, манбаъ қайд кардааст, ки тартиби қабули кӯдакони муҳоҷири бидуни донистани забони русӣ ба мактабҳоро низ баррасӣ дорад.
Қаблан Думаи давлатӣ дар як ҷаласаи умумӣ тарҳи қонунеро дар бораи манъи фарогирии фарзандони муҳоҷироне ба мактабҳо, ки забони русиро намедонанд, қабул кард.
Владимир Путин, раисиҷумҳури Русия, рӯзи 19 декабр зимни суханронӣ аз тарҳи қонун дар бораи манъи қабули кӯдакони муҳоҷир ба мактабҳои бидуни донистани забони русӣ пуштибонӣ кард.
Вай пешниҳод кардааст, ки муҳоҷироне, ки барои кор ба Русия, ба хусус аз кишварҳои Осиёи Марказӣ мераванд, омода бошанд.