ДУШАНБЕ, 7 дек — Sputnik. Ҳукумати Русия ба муҳоҷирон нархи ягона барои имтиҳонҳо аз фанни таърих ва забони русиро расман ҷорӣ кар.
Қарори дахлдори ҳукумат аз ин хусус дар портали расмии интернетии иттилооти ҳуқуқӣ интишор шудааст.
Пештар, барои имтиҳонҳо хароҷоти ягона вуҷуд надошт, танҳо як маҳдудияти болоӣ муқаррар карда мешуд.
Ҳаимн тариқ, нархи имтиҳон аз забони русӣ ҳамчун забони хориҷӣ, таърихи Русия ва асосҳои қонунгузории Русия 5900 рублро ташкил медиҳад (агар имтиҳон барои гирифтани иҷозаи иқомати муваққатӣ ё иҷозатномаи иқомат гирифта шавад).
Агар барои гирифтани иҷозатномаи кор ё патент имтиҳон супорида шавад, арзиши он 3800 рублро ташкил медиҳад.
Агар шумо имтиҳон барои гирифтани шаҳрвандии Русияро супоред, имтиҳони забони русӣ ва имтиҳон аз таърихи Русия ва асосҳои қонунгузории Русия ҳар кадом 2950 рубл арзиш дорад.
Ёдовар мешавем, ки сар аз якуми майи соли ҷорӣ ташкилотҳои тиҷоратӣ аз гузаронидани имтиҳони забони русии хориҷиён маҳрум шуданд.
Ба асоси қарори Вазорати маориф ва илми Русия чунин ширкатҳоро дигар дар гузаронидани имтиҳон ва додани шаҳодатномаҳо роҳ надоданд.
Аз он замон масъулияти гузаронидани имтиҳон бар дӯши донишгоҳҳои мушаххас гузошта шуд, ки дар ҳар як минтақа мавҷуданд.
Ба гуфтаи Вазорати маориф ва илм, ҳоло барои гузаронидани имтиҳони забони русӣ ба унвони забони хориҷӣ, таърих ва асосҳои қонунгузории Русияро 9 донишгоҳи тобеи Вазорати маориф ва илм, ду донишгоҳи давлатӣ, як донишгоҳи вазорати маориф ва як созмони ҳукумати Маскав ҳақ доранд.