ДУШАНБЕ, 15 ноя — Sputnik. Нерӯҳои Русия дар маркази шаҳри Курахово қарор доранд, гуфт мушовири раиси ҶМД Ян Гагин дар шабакаи телевизионии "Россия 1".
"Сарбозони мо аллакай дар маркази худи шаҳр ҷойгир шудаанд, Курахово тақрибан иҳота шудааст - то муҳосираи пурра чанд километр боқӣ мондааст, тақрибан панҷ-шаш километр", - гуфт мансабдор.
Гагин таъкид кард, ки самти Курахово яке аз гармтарин нуқта дар хатти ҷабҳа мебошад, дар он ҷо ҷангҳои шадид давом доранд.
Вай гуфт, ки нерӯҳои Русия тақрибан нисфи шаҳрро таҳти назорат гирифтаанд.
Ба гуфтаи Гагин, ҳайати шахсии душман рӯҳафтода шуда, ақибнишинии онҳо бинобар обхезии манотиқи назди сарбанди обанбори Курахово, ки нерӯҳои мусаллаҳи Украина онро барои монеъ шудан ба пешравии нерӯҳои Русия тарконданд, душвор мекунад.
Курахово дар 46-километрии Донетск ва 30-километрии ҷануби Красноармейск ҷойгир аст. Шахр ахамияти калони оперативй дорад. Ин бузургтарин шаҳрак дар қисмати ҷанубу ғарбии Донбасс аст, ки пас аз озод кардани Угледар аз сӯи нирӯҳои Русия муддати тӯлонӣ таҳти назорати нерӯҳои мусаллаҳи Украина боқӣ мондааст.
Таҳти назорат грифтани Курахово ба артиши Русия имкон медихад, ки ба тарафи ғарб — ба самти Великая Новоселька ҳаракат намоянд.