ДУШАНБЕ, 9 ноя — Sputnik. Тоҷикистон муомилоти молро чоряк баробар зиёд кардааст.
Дар ин бора маълумотҳои Оҷонсии омори кишвар шаҳодат медиҳанд.
Тибқи маълумоти пешниҳодшуда, аз аввали сол инҷониб гардиши савдои хориҷии ҷумҳурӣ беш аз 6,4 млрд долларро ташкил додааст.
Ин рақам дар муқоиса бо давраи ҳисоботии соли 2023 25,6% зиёдтар будааст.
Гуфта мешавад, ки дар 9 моҳи соли ҷорӣ Тоҷикистон бо 113 кишвари ҷаҳон, аз ҷумла даҳ кишвари ИДМ равобити тиҷоратии хориҷӣ барқарор кардааст.
Тавре аз Агентии омор маълум кард, соли равон аз ҷумҳурӣ ба маблағи 1,4 млрд доллар маҳсулот содирот шудааст, ки нисбат ба моҳҳои январ-сентябри соли 2023 қариб 45%зиёд мебошад.
Дар ҳамин ҳол, воридоти Тоҷикистон беш аз 5 млрд долларро ташкил дод, ки нисбат ба соли гузашта 21,1% бештар аст.