ДУШАНБЕ, 19 окт — Sputnik. Интихоботи дарпешистодаи президентӣ дар Иёлоти Муттаҳида муҳимтарин рӯйдоди соли 2024 нахоҳад буд, зеро ҷараёни минбаъдаи таърихро саммити БРИКС дар Қазон муайян хоҳад кард.
Дар ин бора раиси Шӯрои Федератсия Валентина Матвиенко изҳор дошт.
Ба гуфтаи вай, ҷаҳон ба таври назаррас тағйир ёфта вориди масири нави ҳаракат шудааст ва дигар интихоботҳои Амрико рӯйдоди таърихсози сол нахоҳад буд.
“Ҳарчанд, ки ИМА инро намехоҳад, аммо саммити БРИКС чунин рӯйдод хоҳад буд. Ин инъикоси равандҳои объективӣ ва бебозгашт аст”,- навиштааст Матвиенко дар канали Telegram-и худ.
Раиси Шӯрои Федератсия қайд кард, ки маҳз се рӯзи дарпешистодаи нишасти БРИКС ба ояндаи башар “таъсири калидӣ” хоҳад дошт, на ба натиҷаҳои овоздиҳӣ дар Иёлоти Муттаҳида, ки тавре расонаҳои ғарбӣ мехоҳанд онро ба афрокри умум маҷбур ворид кунанд.
“Сиёсатмадорони воқеии масъулиятшинос дар кишварҳои соҳибистиқлол инро дарк мекунанд. Дараҷаи намояндагӣ дар ин ҳамоиш ва пайваста афзудани дархостҳои ворид шудан ба ин иттиҳодия далели равшани ин аст. Боварӣ дорам, ки хабарҳои Русияро дар тамоми қитъаҳо пайгирӣ хоҳанд кард. Дарвоқеъ ин дуруст аст,"- хулоса кард сиёсатмадор.
БРИКС як иттиҳодияи байнидавлатӣ аст, ки соли 2006 таъсис ёфтааст. Русия 1 январи соли 2024 раёсати БРИКС-ро ба уҳда гирифт.
Федератсияи Русия, Бразилия, Ҳиндустон, Чин, Африқои Ҷанубӣ, Миср, Эфиопия, Эрон, Аморати Муттаҳидаи Араб ва Арабистони Саудӣ ба он шомиланд.