ДУШАНБЕ, 17 окт — Sputnik. Тоҷикистон қасд дорад як муассисаи таълимӣ барои мубориза бо ифротгароӣ ва силоҳи қатли ом бисозад.
Дар ин бора дар як чорабинии байнулмилалӣ, ки аз ҷониби Раёсати Академияи миллии илмҳои Тоҷикистон ва Агентии амнияти кимиёвӣ, биологӣ, радиатсионӣ ва ҳастаии АМИТ баргузор гардид, баррасӣ шуд.
Марказ ба мубориза бо терроризм бо истифода аз аслиҳаи қатли ом ва маводи кимиёвӣ, биологӣ, радиологӣ ва ҳастаӣ тамаркуз хоҳад кард.
Дар он мактаббачагон, донишҷӯён ва кормандони мақомоти ҳифзи ҳуқуқи Тоҷикистон ва дигар мамлакатҳо таълим мегиранд.
Қарор аст, марказ на танҳо тавонмандии миллии ҷумҳуриро таҳким бахшад, балки ба минбари ҳамкориҳои байналмилалӣ дар мубориза бо терроризм табдил ёбад.
Дар чорабинӣ намояндагони 14 сафоратхона, аз ҷумла Русия, ИМА, Арабистони Саудӣ ва дигар кишварҳо ширкат доштанд. Дар он ҳамчунин 16 созмони байналмилалӣ, аз ҷумла СММ, САҲА, Дафтари СММ оид ба маводи мухаддир ва ҷинояткорӣ, ҳамчунин МАГАТЭ ширкат доштанд.
Лоиҳаи оянда ба соҳаҳое, аз қабили эҳёи иқтидор, эҷоди инфрасохтор, навовариҳои технологӣ ва ҳамкориҳои байналмилалӣ дахл дорад.
Интизор меравад, ки ташаббусҳои пешниҳодшуда қобилияти минтақаро барои пешгирии паҳншавии маводи кимиёӣ, биологӣ, радиатсионӣ ва ҳастаӣ ва вокуниши муассир ба таҳдидҳои марбут ба терроризм ба таври назаррас афзоиш диҳанд.