ДУШАНБЕ, 10 окт — Sputnik. Теъдоди сайёҳони рус дар Тоҷикистон метавонад солона то 500 ҳазор нафар афзоиш ёбад.
Комиссияи байниҳукуматии ду кишвар мехоҳад ин нақшаро то соли 2026 амалӣ созад, хабар медиҳад хабарнигори Sputnik Тоҷикистон дар истинода ба муовини вазири рушди иқтисоди Русия Дмитрий Волвач.
Волвач дар нишасти пленарии Форуми VIII байнипарлумонии "Тоҷикистон - Русия: иқтидори ҳамкориҳои байниминтақавӣ", ки дар Душанбе мегузарад, суханронӣ карда, афзуд, ки аллакай имсол дар муқойиса бо соли 2023 сайёҳоне, ки аз Тоҷикистон дидан кардаанд наздик ба 28% афзуда, ба 300 ҳазор нафар расидааст".
Тоҷикистон аз ҷониби худ аз ширкати эҳтимолии ширкатҳои русӣ дар рушди инфрасохтори сайёҳӣ дар ҷумҳурӣ истиқбол мекунад.
Дар ин бора раиси палатаи болоии парлумони ҷумҳурӣ ва раиси шаҳри Душанбе Рустами Эмомалӣ изҳор дошт.
"Яке аз самтҳои ояндадори ҳамкориҳои мо соҳаи сайёҳӣ мебошад, ки мо аз иштироки ширкатҳои русӣ дар рушди инфрасохтори сайёҳӣ дар кишварамон истиқбол хоҳем кард", - гуфт ӯ.
Солҳои ахир соҳаи сайёҳӣ дар Тоҷикистон фаъолона рушд карда, шумораи хориҷиён ба ҷумҳурӣ низ меафзояд. Аз Тоҷикистон бештар шаҳрвандони кишварҳои ИДМ боздид мекунанд.
Дар кишвар беҳтар намудани вазъи хизматрасонӣ ба сайёҳон идома дорад – дар кишвар меҳмонхонаҳои буҷавӣ ва хобгоҳҳо фаъолона сохта мешаванд. Ҳамчунин, барои роҳати сайёҳон дар Тоҷикистон пардохтҳои ғайринақдӣ фаъолона ҷорӣ карда шуда, сифати алоқа ва интернет беҳтар мегардад.
Ҷолибтарин маконҳои Тоҷикистон барои сайёҳони рус шоҳроҳи Помир, Осорхонаи миллӣ дар Душанбе, Қалъаи Ҳисор, кӯҳҳои Фан, Искандаркӯл ва ғайра, мебошанд.