ДУШАНБЕ, 1 окт — Sputnik. Дар Тоҷикистон 230 нафар шаҳрванди аз 100-сола боло ба сар мебарад.
Чунин маълумотро Агентии омори назди президенти Тоҷикистон пешниҳод кардааст.
Ҳамин тариқ дар авоили соли ҷорӣ ҷамъияти дорои синни 100 сол ва болотар аз он дар Тоҷикистон 230 нафарро ташкил медиҳад.
Гуфта мешавад, ки дар кишвар ҳамчунин беш аз 500 ҳазор нафар, ки синнашон аз 60 болост зиндагӣ мекунанд, ки 6%-и аҳолии кишварро ташкил медиҳад.
Ҳамин тариқ мақомот, бо назардошти дарозумрии миёнаи аҳолӣ, вазъи саломатӣ ва низоми нафақа пиронсолонро ба гурӯҳҳои зерин тақсим кардааст:
шахсони аз 63 то 75 сола (солхурда), ки аз лиҳози иқтисодӣ ва иҷтимоӣ фаъол буда, баъди ба нафака баромадан метавонанд корро давом диханд;
ашхоси аз 75 то 85 сола (пиронсол), ки нисбатан фаъол нестанд, аксарияти онҳо ба ёрии тиббӣ ва хизматрасонии иҷтимоӣ ниёз доранд;
шахсони аз 85-сола боло (дарозумр), ки мушкилоти зиёди саломатӣ доранд ва аксар вақт ба нигоҳубин ва дастгирии доимӣ ниёз доранд.
Таъкид мешавад, ки дарозумрии миёнаи аҳолӣ дар Тоҷикистон дар муқоиса бо даҳсолаҳои қаблӣ боло рафтааст, ки ин аз беҳбуди шароити зиндагӣ, таъмини иҷтимоъӣ ва хидматрасонии пизишкӣ барои куҳансолон гувоҳӣ медиҳад.
Қаблан хабар дода шуда буд, ки дар Тоҷикистон беш аз 815 ҳазор нафар нафақа мегиранд. Ҳаҷми миёнаи нафақа дар кишвар ҳудуди 370,6 сомониро ташкил медиҳад.
Нафақаи бештарро дар шаҳри Душанбе – 469,8 сомонӣ мегиранд. Нафакахурони вилояти ВМКБ 464 сомонӣ нафака мегиранд.