ДУШАНБЕ, 23 сен – Sputnik. Қаблан расонаҳо хабар дода буданд, ки сафири Тоҷикистон дар ҷамъи сафирони дигар кишварҳо қарор дошт, вақте як ҳамлаи террористӣ сурат гирифт.
Шоҳин Самадӣ, сухангӯӣ вазорати корҳои хориҷии Тоҷикистон ба Sputnik Тоҷикистон гуфт, сафири фавқулода ва мухтори Ҷумҳурии Тоҷикистон дар Ҷумҳурии Исломии Покистон Юсуф Шарифзода дар ҳайати сафирони кишварҳои хориҷӣ, ки барои ширкат дар як форуми гардишгарӣ ба водии Свот сафар мекард, ҳузур надошт.
Юсуф Шарифзода аз моҳи июни соли равон ба ин сӯ сафири фавқулода ва мухтори Ҷумҳурии Тоҷикистон дар Ҷумҳурии Исломии Покистон аст.
Қаблан расонаҳои покистонӣ хабар дода буданд, ки мошини ҳомили як ҳайати сафирони хориҷӣ, ба шумули Русия, Португалия, Эфиопия, Индонезия, Тоҷикистон, Қазоқистон, Эрон ва дигарон тавассути мина мунфаҷир шудааст. Ин ҳайат рӯзи якшанбе барои ширкат дар форуми рушди гардишгарӣ дар дараи Своти вилояти Хайбар Пахтунхвоҳ, ки аз сӯи утоқи тиҷорат ва саноеъи Покистон баргузор шуда буд, ширкат кард.
Баъдан вазорат хориҷа Покистон хабар дод, ки ҳамла ба як мошини пулис сурат гирифтааст, ки ин ҳайатро ҳамроҳӣ мекард. Дар натиҷа як пулис кушта ва се тани дигар захмӣ шудаанд.