ДУШАНБЕ, 10 сент — Sputnik. Президенти Иттифоқи саноатчиён ва соҳибкорони Қирғизистон Данил Ибраев ахиран дар барномаи "Радиои Биринчи" гуфт, ки бозорҳои муштарак барои кишварҳои узви Иттиҳодияи иқтисодии АвруОсиё (ИИАО) чӣ фоида доранд.
Ба гуфтаи ӯ, дар бозори ягонаи маҳсулоти нафтӣ дар ИИАО қирғизистониён метавонанд озодона аз биржа ё бозори Қазоқистон, Русия, Арманистон ё Белорус маҳсулот харидорӣ намоянд.
“Яъне ба ибораи дигар, мо метавонем бигӯем, ки ин як бозори бебоҷ аст”, - гуфт ӯ.
Вай илова кард, ки бозори ягонаи энержӣ, масалан, вақте ки дар Ҷумҳурии Қирғизистон нерӯи барқ кофӣ нест, мо низ мустақиман дар асоси шартнома онро аз Қазоқистон харида, ба Қирғизистон биёрем.
“То имрӯз бозори ягонаи энержӣ дар ИИАО пурра ташаккул наёфтааст, он бояд соли 2025 ба кор шурӯъ кунад”, - афзуд Д.Ибраев.
ИИАО як иттиҳодияи иқтисодии байналмилалии ҳамгироӣ мебошад, ки аъзои он Русия, Арманистон, Беларус, Қазоқистон ва Қирғизистон мебошанд. Ба Молдова, Куба ва Узбекистон мақоми нозир дода шуд.