ДУШАНБЕ, 6 сен – Sputnik. Бино бар сафари кории Эмомалӣ Раҳмон раисҷумҳури Тоҷикистон ба вилояти Суғд, мақомоти БДА-и вилоят аз чаҳор рӯзӣ роҳбандии бархе аз роҳҳо эълон кард, ки нусхаи он дар ихтиёри Sputnik Тоҷикистон қарор гирифт.
Аз ҷумла санаи 7 сентябри соли 2024 кӯчаҳои “Ҳувайдуллоев”, “Бобоҷон Ғафуров”, “Гагарин” ва “Исмоили Сомонӣ” и шаҳри Бӯстон, роҳи автомобилгарди Хуҷанд – Ғафуров ва кӯчаи марказии шаҳраки Сирдарё ва кӯчаи “Истиқлол” и шаҳри Гулистон.
Санаи 8 сентябр, роҳи автомобилгарди “Булоқ – Понғоз”, ҳудуди роҳҳои марказии ҷамоатҳои Шодоба, Ошоба, ва Аппони ноҳияи Ашт.
Санаи 9 сентябр, кӯчаи “Истиқлол”и шаҳри Гулистон, роҳи автомобилгарди Хуҷанд – Ғафуров, кӯчаҳои “Исмоили Сомонӣ” ва “Камоли Хуҷандӣ” и шаҳри Хуҷанд, кӯчаи “Ёва” и ҷамоати Ёва ва пули “Истиқлол” и ноҳияи Бобоҷон Ғафуров, чорроҳаи маҳаллаи Сартуқай, кӯчаҳои “Рифат Ҳоҷиев”, “Шимкент” ва “25 -солагии “Истиқлолият” и шаҳри Хуҷанд.
Санаи 10 уми сентябр роҳи автомобилгарди Конибодом – Деҳмой, ҳудуди деҳаҳои Кӯчкак, кӯчаи “М. Турсунзодаи деҳаи “Сомониён”, кӯчаҳои “Камоли Хуҷандӣ”, "Исмоили Сомонӣ”, “Содир Қобилов”, “Маданият” ва “Айниӣ” и шаҳри Конибодом,
Мақомоти БДА сабаби роҳбандиҳоро ба ташрифи меҳмонони олимақом ва баргузории ҷашни Истиқлолияти давлатии Ҷумҳурии Тоҷикистон шарҳ дода аз шаҳрвандон ва соҳибони воситаҳои нақлиёт хоҳиш кардааст, ки дар вақти маҳдуд шавии ҳаракат дар кӯчаву роҳҳои зикргардида ҳаракати худро аз тариқи роҳҳои ҳамшафат идома диҳанд.
Имсол Ҷумҳурии Тоҷикистон 33 – солагии Истиқлоли давлатиро таҷлил мекунад, ки чорабиниҳои асосии он дар шаҳри Хуҷанд барпо карда мешавад.