ДУШАНБЕ, 5 сен – Sputnik. Дар шаҳри Душанбе дар бинои мулоқоти роҳбарияти Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон бо намояндагони ширкати "Радметрон"-и Белорус баргузор гардид.
Дар ин бора дафтари матбуоти Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон хабар додааст.
Ба иттилои манбаъ, дар вохӯрӣ масъалаҳои ҳамкории дуҷониба байни Агентӣ ва ширкати "Радметрон" — и Беларус баррасӣ шуд.
Қайд карда шудааст, ки зимни мулоқот мутахассисони Беларус барои ҳамкории судманд изҳори омодагӣ намуданд.
Ҳамчунин зикр гардидааст, ки тарафҳо дар бораи масъалаҳои ҳамкории дуҷониба ва бисёрҷонибае, ки дар самти бехатарӣ ва кашфи маводи радиатсионӣ мавҷуд аст, ба мувофиқа расиданд.
Ширкати "Радметрон" ба истеҳсол ва фурӯши таҷҳизоти муайянкунанда ва кашфи маводи радиатсионӣ, инчунин химиявӣ машғул аст.
Истифодаи таҷҳизоти ин ширкат, ки шакли электронии он муаррифӣ шуд, дар Агентии амнияти химиявӣ, биологӣ, радиатсионӣ ва ядроӣ, Қӯшунҳои сарҳадии Кумитаи давлатии амнияти миллии Тоҷикистон, Хадамоти гумрук ва Кумитаи ҳолатҳои фавқулода ва мудофиаи граждании Тоҷикистон имконпазир аст.