ДУШАНБЕ, 1 сен — Sputnik. Ҳамкорӣ бо Узбекистон ҳамеша дар авлавияти сиёсати Тоҷикистон боқӣ мемонад.
Дар ин бора Эмомалӣ Раҳмон, раиси ҷумҳури Тоҷикистон дар паёми шодбошӣ ба Шавкат Мирзиёев, ки ба муносибати ҷашни Рӯзи истиқлоли ҷумҳурӣ ирсол намудааст, изҳор доштааст.
"Дар солҳои охир Узбекистон дар рушди ҳамаҷонибаи иҷтимоӣ-иқтисодӣ ва баланд бардоштани некӯаҳволии мардум, инчунин таҳкими нуфузи байналмилалии кишвар ба натиҷаҳои муҳим ноил гардид, ки мо, ҳамсоягони наздик, аз ин муваффақиятҳо самимона шодем", - гуфта мешавад дар паём.
Раҳмон аз номи мардуми Тоҷикистон Мирзиёев ва тамоми мардуми бародарии Узбекистонро табрик гуфт.
Вай таъкид кард, ки муносибатҳои дӯстӣ, ҳамсоягии нек ва ҳамкории созанда бо Узбекистон ҳамеша дар авлавияти сиёсати хориҷии Тоҷикистон буд ва боқӣ мемонад.
Раҳмон дар бораи рушд ва тақвияти тамоми маҷмааи равобити шарикии стратегӣ ва иттифоқии миёни Тоҷикистону Узбакистонро қайд кард.
"Мо ба пешравти минбаъдаи ин раванди судманди мутақобилан манфиатдор манфиатдорем. Бо талошҳои муштарак мо минбаъд низ дар таҳкими ҳамкориҳои ду кишвар ба нафъи халқҳоямон саҳм мегузорем", - навиштааст Раҳмон.
Ёдовар мешавем, ки дар Узбекистон 1 сентябр 33-умин солгарди истиқлолияти ҷумҳурӣ таҷлил мешавад.