ДУШАНБЕ, 27 авг — Sputnik. Шӯрои Федератсия ба Вазорати кишоварзии Русия пешниҳод кардааст, ки сабти номи гиёҳҳои шифобахшро дар чаҳорчӯби Иттиҳоди иқтисодии АвруОсиё (ИИАО) соддатар кунад.
Дар ин бора хабаргузории ТАСС бо такя ба раиси Кумитаи сиёсати кишоварзӣ ва озуқаворӣ ва идоракунии муҳити зист Александр Двойних хабар дод.
Вай тавзеҳ дод, ки сухан дар бораи ба Феҳристи давлатӣ ворид кардани навъҳо ва гибридҳои растанӣ меравад, ки дар асоси онҳо доруҳо эҷод мешаванд.
"Дар пайи ҷаласаи гурӯҳи кории байниидоравӣ, кумита қарореро тасвиб кард, ки дар он тавсияҳо ба Вазорати кишоварзии Русия дарҷ шудааст", - гуфт Двойних.
Илова бар ин, кумита тавсия медиҳад, ки истеҳсоли равғани эфир ва парвариши растаниҳои шифобахш ба рӯйхати зерсоҳаҳои афзалиятноки комплекси агросаноатӣ дохил карда, дастгирии давлатии истеҳсолкунандагони кишоварзӣ таъмин карда шавад.
Ҳамзамон, зарур аст, ки барои пурзӯр кардани назорат аз болои риояи талабот оид ба сифат ва пешгирии қалбакии чунин доруҳо чораҳои иловагӣ андешида шаванд, афзуд раиси кумита.