ДУШАНБЕ, 1 авг — Sputnik. Бонки миллии Тоҷикистон (БМТ) тасмим гирифт, меъёри бозтамвилро аз 9,25 то 9% солона поин барад.
Дар ин бора хадамоти матбуоти Бонки миллии Тоҷикистон хабар додааст.
Нишондиҳандаи нав аз 5 август эътибори расмӣ пайдо мекунад.
"Ин тасмим бо дарназардошти мӯътадил шудани нархҳо дар бозори дохилӣ ва нишондиҳандаҳои ҷаҳонии молҳо, пешгӯии мусбати нишондиҳандаҳои макроиқтисодӣ ва интизориҳои таваррумии аҳолӣ қабул шудааст", - омадааст дар хабарнома.
Ин сеюмин коҳиши меъёри бозтамвил дар соли 2024 аст. Дар моҳи феврал аз 10,0% то 9,5% солона кам карда шуда буд.
Меъёри бозтамвил дар кишварҳои Осиёи Марказӣ
© Sputnik
Бонки миллӣ 1 май БМТ дар бораи 0,25% киҳишёбии меъёрри бозтамвил эълон кард, ки он аз 9,5% то 9,25% солона поин оварда шуд.
Тибқи маълумоти ахири нашркардаи Бонки миллии Тоҷикистон, таварруми солона дар ҷумҳурӣ дар давраи аз январ то июн 1,9% ва дар моҳи июн 3,5%-ро ташкил дод.
Ҳадафи Бонки миллӣ нигоҳ доштани тавваррум дар сатҳи 6% дар сол мебошад.
Ин меъёр, тибқи қонунгузории кишвар, ҳадди ақали фоизест, ки аз рӯи он Бонки миллии Тоҷикистон барои таъмини пардохтпазирии кӯтоҳмуддат ба бонкҳои тиҷоратии кишвар қарз медиҳад.