ДУШАНБЕ, 29 июл — Sputnik. Дар нимаи аввали соли 2024 дар Русия беш аз 500 шаҳрванди Тоҷикистон ба гумони даст доштан дар ҷиноятҳои марбут ба қочоқи маводи мухаддир боздошт шуданд.
Дар ин бора зимни нишасти матбуотӣ Зафар Самад, директори Агентии назорати маводи нашъаоварии Тоҷикистон хабар дод.
"Мисли ҳарсола шумораи бештари боздоштшудаҳо дар Русия - 502 нафар, дар Ӯзбекистон 23 нафар, дар Қазоқистон 3 нафар ба қайд гирифта шудаанд", - гуфт ӯ.
Самад қайд кард, ки агентӣ ин маълумотро аз мақомоти ҳифзи ҳуқуқи дигар кишварҳо гирифтааст.
Дар маҷмӯъ, дар шаш моҳи соли равон дар хориҷи кишвар 528 нафар шаҳрвандони ҷумҳурӣ бо гумони ҷиноятҳои марбут ба маводи мухаддир дастгир шудаанд, ки ин шумора нисбат ба ҳамин давраи соли гузашта 82 нафар камтар боздошт шудааст.
Соли гузашта дар шаш моҳи соли равон 610 нафар боздошт шуда буданд.
Раиси Агентӣ афзуд, аз ҳамаи шаҳрвандони Тоҷикистон, ки дар хориҷи кишвар боздошт шудаанд, дар маҷмӯъ 96 кило маводи мухаддир мусодира шудааст.
Самад ҳамчунин хабар дод, ки теъдоди шаҳрвандони хориҷии боздоштшуда барои қочоқи маводи мухаддир дар Тоҷикистон ду баробар афзоиш ёфтааст.
Ба иттилои раиси Агентӣ дар нимаи аввали соли 2024 10 шаҳрванди хориҷӣ, ки панҷ нафараш шаҳрвандони Афғонистон, се нафар шаҳрвандони Узбекистон, як нафар шаҳрванди Қазоқистон ва як шаҳрванди Қирғизистон боздошт шудааст.
Аз моҳи январ то июни соли гузашта дар ҷумҳурӣ панҷ шаҳрванди хориҷӣ барои чунин ҷиноятҳо боздошт шуда буданд.