Дар кишварҳои собиқ Иттиҳоди Шӯравӣ усулҳои кор бо кӯдакон ба ҳам монанданд, аммо ҳанӯз ҳам чизҳои зиёдеро аз ҳамдигар омӯхтан лозим аст.
Дар ин бора Фарид Мӯҳсинзода, омӯзгори таърих ва ҳуқуқи гимназияи рақами 4-и шаҳри Хуҷанд ба Sputnik Тоҷикистон хабар дод.
Ба гуфтаи ӯ, дар ҷараёни ин ҳамоиш ӯ дар бораи чӣ гуна метавонанд омӯзгорон бо зеҳни сунъӣ кор кунанд ва чӣ гуна ба донишомӯзон дар бораи фанновариҳои муосир нақл кунанд, малака ва дониш гирифт.
"Ман бо муаллимони Молдова, Узбекистон, Қирғизистон сӯҳбат кардам. Моро як чиз муттаҳид мекунад. Ин кори таълиму тарбия аст. Ҳар кас усулҳои гуногун дорад - аммо дар маҷмӯъ мо як кор мекунем. Ҳамчун муаллим, ман аз муошират бо ҳамкасбонам аз кишварҳои дигар, мубодилаи таҷриба бо онҳо дар соҳаи таҳсилот, дар соҳаи таълим хеле шодам", - гуфт ӯ.
Ба гуфтаи Муҳсинзода, ӯ бисёр малакаҳои нав пайдо кард, аз ҷумла, чӣ гуна ба кӯдакон дар бораи технологияҳои нав, малакаҳои нав, технологияҳо, чӣ гуна истифода бурдани зеҳни сунъӣ ба омӯзгор барои боз ҳам осонтар кардани таълим ба кӯдакон васеътар фаҳмонданд.
Ба пойтахти Россия зиёда аз 100 нафар муаллимон аз Арманистон, Беларус, Қазоқистон, Қиргизистон, Молдова, Тоҷикистон ва Узбекистон омаданд.