ДУШАНБЕ, 27 июль — Sputnik. Дар нимсолаи аввали соли ҷорӣ фурудгоҳҳои Тоҷикистон қариб ба 1,7 млн нафар хизмат расониданд.
Ин рақам дар муқойиса бо даври мушобеҳи соли 2023 36 ҳазор ё 36% кам шудааст, гуфт дар нишасти хабарӣ сардори Агентии авиатсияи граждании ҷумҳурӣ Ҳабибулло Назарзода.
"Дар нимсолаи аввали соли 2024 фурудгоҳҳои байналмилалии Тоҷикистон ба қариб 1,7 млн мусофир хизмат расонидаанд, ки нисбат ба ҳамин давраи соли гузашта 35,8 ҳазор нафар ё 36% кам аст", - зикр гардид дар нишаст.
Дар ҳамин ҳол, Фурудгоҳи байналмилалии Душанбе ба 1,1 млн мусофир, бандари ҳавоии Хуҷанд - 391,4 ҳазор, Кӯлоб - 94,8 ҳазор, Бохтар - 40 ҳазор мусофир хизмат расонидааст.
Фурудгоҳҳои Тоҷикистон ба чанд мусофир хизмат расонданд?
© Sputnik
Шумораи хатсайрҳо дар нимаи аввали сол ба 5,7 ҳазор адад расонида шуд, ки ин назар ба соли гузашта 238 самт ва 2,3% кам аст.
Назарзода қайд кард, ки дар шаш моҳи соли равон як ширкати ҳавопаймоии дохилӣ – "Сомон Эйр" ва 12 ширкати хориҷӣ, аз қабили "ЮТэйр", "Уралские авиалинии", "North Wind", "S7", "Ямал", "Казак Эйр Остона", Uzbekistan Airways, Fly Dubai, Turkish Airlines, Vorish Airlines - Эрон, Jazeera Airways аз Кувайт парвозҳои доимӣ анҷом доданд.