ДУШАНБЕ, 17 июн — Sputnik. Ҳудуди 16 ҳазор сокини Туркия дар рӯзи аввали иди Қурбон ҳангоми қурбонӣ кардани чорво захмӣ шудаанд.
Дар ин бора вазири тандурустии ин кишвар, Фахретдин Коҷа иттилоъ додаст.
"Сабаби чунин ҷароҳатҳо дар он аст, ки чорворо на мутахассисон мекушанд", - гуфт ӯ.
Аксари маҷрӯҳшудагон дар Анкара сабт шудаанд - 1274 нафар. Дар Истанбул 918 нафар дар ҷараёни қурбониҳо ҷароҳат бардошта, дар бемористон бистарӣ шуданд. Гузашта аз ин, ду нафар аз захмҳои бардоштаашон ҷон додаанд, хабар медиҳанд расонаҳои маҳаллӣ.
Иди Қурбон дар баробари иди Рамазон яке аз идҳои асосии мусалмонони тамоми ҷаҳон мебошад, ки ба таври густурда таҷлил мегардад.
Одатан он аз намози идона оғоз гардида, сипас бо қурбонӣ кардану ба табрики ҳамдигар рафтан идома мекунад. Дар иди Қурбон мусалмонони тавонманд чорвоеро қурбонӣ мекунанд. Иди Қурбон пас аз 70 рӯзи Иди Рамазон фаро мерасад.
Таъкид мешавад, ки бар асоси фазилатҳои исломӣ, қурбонӣ кардан танҳо ба шахсоне воҷиб аст, ки имконияти мусоиди молиявӣ доранд ва дар масъалаи таъмини аҳли оилаи онҳо мушкилие вуҷуд надорад.
Дуову фотиҳа дар ҳаққи гузаштагон аз ҷумлаи фазилатҳои дигари иди Қурбон мебошанд.