ДУШАНБЕ, 10 июнь — Sputnik. Мушкилоти кунунии ҳамкориҳои иқтисодии кишварҳои Авруосиёи Бузург аз ҷониби иштирокчиёни иҷлосияи "Шарикии Авруосиёи Бузург ҳамчун қутби нави рушд: иқтидор ва дурнамо" баррасӣ шуданд.
Мулоқот дар чаҳорчӯби Анҷумани XXVII байналмилалии иқтисодии Санкт-Петербург баргузор шуд.
Иштирокчиён ба татбиқи амалии консепсияи "ҳамгироӣ" ва пур кардани рӯзномаи муттаҳидшавӣ дар фазои Авруосиё дахл карданд.
"Рушди ИИАО ҳамчун яке аз марказҳои иқтисодии Шарикии Авруосиёи Бузург ба қатори вазифаҳои афзалиятноки Эъломия оид ба рушди минбаъдаи равандҳои иқтисодӣ дар доираи ИИАО то соли 2030 ва дар давраи то соли 2045 дохил карда шудааст", - гуфт Сергей Глазев, вазири ҳамгироӣ ва макроиқтисодии Комиссияи иқтисодии Авруосиё.
Ба гуфтаи ӯ, “Шарикии бузурги Авруосиё заминаи ташаккули сохтори нави иқтисодии ҷаҳонӣ мегардад”.
Қаблан хабар дода шуда буд, ки кишварҳои Амрикои Лотин саъй доранд равобити тиҷории худро бо минтақаҳои дигар, аз ҷумла аъзои Иттиҳоди иқтисодии АвруОсиё густариш диҳанд.
Дар ин бора котиби доимии низоми иқтисодии Амрикои Лотинӣ Кларемс Эндара Вера дар ҳошияи Форуми байналмилалии иқтисодии Санкт-Петербург изҳор дошт.
Ба гуфтаи вай, мамлакатҳои Амрикои Лотинӣ кушиш доранд, ки алоқаҳои тиҷоратии худро бо дигар минтақаҳо вусъат диҳанд.