Дар Хуҷанд бахшида ба Рӯзи ҷавонон чорабинии идона баргузор гардид.
Дар ин чорабинӣ масъулони ҳукумати вилояти Суғд ва корпусҳои дипломатӣ аз ҷумла консули генералии Русия дар шаҳри Хуҷанд ширкат варзиданд.
Дилшод Давронзода, мудири бахши варзиши Раёсати кор бо ҷавонон дар вилояти Суғд дар суҳбат ба Sputnik Тоҷикистон гуфт, ки соли ҷорӣ ба фарқ аз солҳои қаблӣ дар роҳпаймоии идона варзишгарон, мотосиклронҳо ва дучархсаворон ҳамроҳ бо донишҷӯён иштирок варзиданд.
"Ба ифтихори Рӯзи ҷавонон, инчунин таҳти унвони “Шоми ҷавонӣ” барномаи консертӣ бо иштироки беҳтарин сарояндаҳои эстраи кишвар баргузор мегардад", - гуфт, Давронзода.
Бино ба иттилоъи манбаъ зимнан шумори ҷавонон дар вилояти Суғд беш аз 800 ҳазор гуфта мешавад, ки ин рақам беш аз 30 % -и аҳолии вилояти Суғдро ташкил мекунад.