Дар пойтахти Тоҷикистон ширкатҳои ватаниву хориҷӣ, аз ҷумла Русия, Беларус, Ӯзбекистон, Чин, Покистон ва Туркия маҳсулоташонро пешниҳод кардаанд.
Намоишгоҳи байналмилалии "Тоҷикистон-2024" дар Душанбе то 5 май идома хоҳад кард.
Дар умум дар он молу маҳсулоти 65 ширкату корхонаҳои ватанӣ ва хориҷӣ ба намоиш гузошта шудаанд.
Намунаи маҳсулоти мошинсозӣ, маводи кимиё, саноати сабук, нассоҷӣ, дорусозӣ, инчунин масолеҳи сохтмонӣ пешниҳод шудаанд.
Саноат аз самтҳои меҳварии кори намоишгоҳ ба шумор меравад.
Ташкилотҳои молиявӣ низ хадамоташонро муаррифӣ намуданд.
Ҳадаф муаррифии молу маҳсулоти ватанӣ, ворид намудани технологияи нав, ҷалби сармоя ва таъсиси корхонаҳои муштарак муаррифӣ шуд.
Ҳунармандон низ маҳсулоташонро пешниҳоди ҳозирин карданд.
Саноати сабук, кишоварзӣ, фармасевтика ва ороиши гигиенӣ, хӯрокворӣ, истеҳсоли масолеҳи сохтмонӣ аз самтҳои дигари кори намоишгоҳ буданд.
Намоишгоҳи Тоҷикистон, ки тақрибан ҳамасола аз соли 2016 то инҷониб баргузор мешавад, барои ширкатҳои хориҷӣ дар дарёфти мизоҷон низ кумак мекунад.