ДУШАНБЕ, 23 апр — Sputnik. Бонки миллии Тоҷикистон нархи 3 асъори калидии нисбатан серистеъмолро дар бозори нақдию ғайринақдии ҷумҳурӣ эълон кард.
Арзиши пули Русия дар Тоҷикистон бетағйир боқӣ монда, ба иттилои БМТ ҳазор рубл муодили 117,2 сомонӣ боқӣ мондаст.
Нархи пули амрикоӣ майли гароншавӣ дошта, як доллари ИМА ба 10.9309 сомонӣ баробар шудаст.
Пули аврупоӣ баръакс арзонтар шуда, ба иттилои БМТ дар бозори ғайринақдӣ як евро - 11. 6327 сомонӣ муомилот мешавад.
Қурби миёнаи фурӯши асъори хориҷии нақд дар ташкилоти қарзии Тоҷикистон сари як доллари ИМА аз 10.9309 то 10.9500 сомонӣ, евро аз 11.6327 то 11.7200 сомонӣ ва ҳазор рубли Русия аз 117,2 то 118 сомонӣ муқаррар шудаст.
Таваҷҷуҳ ба арзиши қурби рубли Русия дар Тоҷикистон зиёд аст, чун садҳо ҳазор муҳоҷири меҳнатии кишвар маҳз бо рубл музд мегиранду ба Ватан мефиристанд.
БМТ ҳушдор додаст, ки берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст.
Ин ниҳод таъкид намудаст, ки риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, ҷавобгарии маъмурӣ ва ҷиноятӣ дар пай дорад.