ДУШАНБЕ, 15 апр — Sputnik. Тоҷикистон барои дорандагони шиносномаҳои умумишаҳрвандии хориҷии Туркия низоми раводид татбиқ менамояд, таъйид карданд аз аз Вазорати корҳои хориҷии ҷумҳурӣ ба Sputnik Тоҷикистон.
Ин ниҳод ба эзоҳи қарори ҳукумати Тоҷикистон аз 28 марти соли 2024 истинод карда, овардааст, ки он бо мақсади татбиқи принсипи муомила ба мисл роҳандозӣ мегардад.
Низоми раводид шуруъ аз 20 апрели соли 2024 низоми раводидӣ нисбат ба дорандагони шиносномаҳои умумишаҳрвандии хориҷии Туркия татбиқ мегардад.
Шаҳрвандони Туркия метавонанд раводиди Тоҷикистонро аз сафорат ва консулгариҳои ҷумҳурӣ дар хориҷа дастрас намоянд.
Ин иқдоми ҷавобӣ дар ҳоле татбиқ мегардад, ки Туркия низ аз 20 апрел барои тоҷикистониҳо виза ҷорӣ мекунад.
Сафари тоҷикистониҳо ба Туркия аз тариқи раводид интизор меравад, ки муваққатӣ бошад, иттилоъ дода буд сафорати Туркия дар Душанбе.
Таъкид шудааст, ки барои сафарҳо баъди 20 апрел тоҷикистониҳоро зарур аст, аз сафорат ё намояндагиҳои Туркия раводид гиранд. Арзиши раводиди яккаратаи Туркия 60 доллар, раводиди бисёркарата 190 доллар аст, омадааст дар иттилоия.
То ин сана тоҷикистониҳо метавонистанд бе раводид вориди Туркия шаванд ва 90 рӯз он ҷо бошанд.