Самтҳои рушди ҳамкориҳои кишварҳои ИИАО дар бахши энергияи барқароршаванда маълум шуд

Дар шароити камбуди энергетикӣ дар кишварҳои алоҳидаи АвруОсиё ба ИИАО ба рушди бахши энергияи барқароршаванда такя хоҳад кард
Sputnik
ДУШАНБЕ, 13 мар — Sputnik. Раёсати Комиссияи иқтисодии АвруОсиё дар ҷаласаи рӯзи 13 март самтҳои ояндадори рушди ҳамкориҳои саноатӣ дар бахши энергияи барқароршаванда дар ҳудуди кишварҳои Иттиҳодияи иқтисодии АвруОсиёро муайян кард.
Дар ин ҷаласа масъалаи гидроэнергетикаи хурд, энергияи шамол, энергияи офтоб, энергияи геотермалӣ, нерӯгоҳҳои барқии обӣ ва истеҳсоли сӯзишвории биологӣ баррасӣ шуд.
Ба кишварҳои ИИАО тавсия дода мешавад, ки рӯйхати тартибдодашудаи истеҳсолкунандагони таҷҳизот системаҳо барои манбаъҳои барқароршавандаи энергия, ки дар вебсайти расмии ин ниҳод ҷойгир шудаанд, ба назар гиранд.
Боркашонӣ дар ИИАО аз 6 трлн тон гузашт - тасвирбаён
Раёсати Комиссияи иқтисодии АвруОсиё инчунин тавсия дод, ки барои рушди истеҳсоли таҷҳизоти асосӣ ва ёрирасоне, ки дар истеҳсоли нерӯи барқ ​​бо истифода аз манбаъҳои барқароршаванда истифода мешаванд, чораҳои ҳавасманд намудан ҷорӣ намуда шавад.
Татбиқи тавсияҳои Раёсати Комиссия иқтисодии АвруОсиё имкон медиҳад, ки тадбирҳоро барои рушди ҳамкории саноатии кишварҳои ИИАО гирифта шавад ва механизмҳои мавҷудаи рушди энергияи барқароршавандаро пурра намоянд.