Мусобиқаи байналмилалии "Бозиҳои оянда" аз 21 феврал то 3 марти соли равон дар шаҳри Қазон идома хоҳад кард.
Тоҷикистонро 35 варзишкор дар сабқатҳои яккаву гуруҳӣ намояндагӣ мекунанд.
Намояндагони Тоҷикистон аз ҷумла дар панҷ намуд - омехта, барномарезии варзишӣ, "Just dance" ва "Beat Saber" зӯрозмоӣ мекунанд.
Президенти Тоҷикистон дар маросими ифтитоҳ ба иштирокдорон муваффақият таманно кард.
Иштирокдорони ин мусобиқаҳо, ки беш аз ду ҳазор нафар аз кишварҳои гуногуни ҷаҳон мебошанд.
Дар маҷмуъ аз рӯи 21 намуд бозиҳои ҷисмонӣ ва интеллектуалию маҷозӣ қувваозмоӣ хоҳанд кард.
Роҳбарони давлатҳо бо бархе аз иштирокдорон мулоқоту суҳбат карданд.
Ба гуфти созмондиҳандагони мусобиқот, ин гуна бозиҳо бори аввал ташкил ва баргузор мегарданд.
Масъулин бовар доранд, ки ин тасмим имрӯзу оянда таваҷҷуҳи варзишгарону ҳаводорони сершуморро ба худ ҷалб намуда, дар воқеъ ба бозиҳои оянда дар ҷаҳон табдил меёбанд.
Эмомалӣ Раҳмон ба сатҳи баргузорию ташкилии мусобиқот баҳои баланд дод.