ДУШАНБЕ, 8 фев — Sputnik. Нархи бензин дар Иттиҳоди иқтисодии АвруОсиё дар моҳи декабри соли 2023 ба ҳисоби солона ҳудуди 107,6%-ро ташкил дод.
Дар ин бора Комиссияи иқтисодии АвруОсиё бо нашри як иттилоия хабар дод.
Манбаъ афзуд, ки нишондоди нархи истеъмолии сӯзишвории дизелӣ 109,1%, пардохти нерӯи барқ 103,2%-ро ташкил дод.
Ин афзоиш дар таносуб бо афзоиши нархҳои истеъмолие, ки бевосита тавлидкунандаҳои маводи сӯхт таъйин кардаанд, ба таври назаррас камтар мебошад.
Аз ҷумла Комиссияи иқтисодии АвруОсиё хабар дод, ки индекси нархҳои истеҳсолкунандаи бензин дар ИИАО моҳи декабри соли 2023 нисбат ба моҳи декабри соли 2022 мутаносибан 124,7% баробар будаст.
Нишондоди нархи истеъмолии сӯзишвории дизелӣ дар охири сол нисбат ба нишондоди ҳамин давраи соли гузашта 108,8% ва нерӯи барқ 111%-ро ташкил дод.
Нархи миёнаи истеъмолӣ аз нархи миёнаи истеҳсолии бензини автомобилӣ дар Русия 3,1 баробар, дар Қазоқистон 1,6 баробар, дар Белоруссия 1,5 баробар ва дар Қирғизистон 10% зиёдтар буд.
Ин фарқият дар нархи истеъмолӣ ва нарх аз истеъмолкунандагон барои сузишвории дизелӣ дар Қазоқистон - 1,8 баробар, дар Русия - 1,7 баробар, дар Белоруссия - 36,9% ва дар Қирғизистон -18,2%-ро ташкил медиҳад, иттилоъ дод Комиссияи иқтисодии АвруОсиё.