ДУШАНБЕ, 20 янв — Sputnik. Дабири кулли СҲШ Чжан Минг изҳори умедворӣ кард, ки Тоҷикистон саҳми худро дар пешбурди ҳамкориҳо дар доираи ин созмон афзоиш медиҳад.
Ин дар чаҳорчӯби мизи мудаввари "Вусъат додани муколамаи фарҳангӣ, амиқтар кардани ҳамкорӣ ва дӯстӣ дар оилаи СҲШ", ки дар Душанбе баргузор шуд, сурат гирифт.
"Умедворам, ки ҷониби Тоҷикистон минбаъд низ аз фаъолиятҳо дар доираи СҲШ дастгирӣ намуда, дар пешбурди ҳамкориҳои СҲШ дар бахшҳои гуногун ва рушди сифатноки ин созмон саҳми афзоянда хоҳад гузошт", - гуфт ӯ.
Ба гуфтаи Чжан Мин, СҲШ ҳамеша ба ҳамкориҳои башардӯстона таваҷҷуҳи хоса зоҳир карда, тайи 20 соли охир ба ҳамкориҳо дар бахшҳои дахлдор мусоидат намуда, ба натиҷаҳои судманд ноил гардид.
Дар чорабинӣ гуфта шуд, ки Маркази дӯстӣ ва ҳамкории СҲШ дар Тоҷикистон дар як муддати кӯтоҳи фаъолияташ дар таҳкими ҳамкориҳои байни давлатҳо саҳми муносиб гузоштааст.
Маркази дӯстӣ ва ҳамкории СҲШ дар Тоҷикистон як ҳалқаи муҳим дар бунёди шабакаи дӯстӣ ва табодули мардумӣ дар фазои СҲШ мебошад.
Марказ аз замони таъсисёбӣ ба мубодилаи башардӯстонаи СҲШ қувваи муҳиме овард ва аз ҷониби ҳамаи ҷонибҳо баҳои баланд гирифт.