ДУШАНБЕ, 15 янв — Sputnik. Бонки милли Тоҷикистон қурби асъорро нисбат ба сомонӣ эълон кард.
Тибқи нишондоди БМТ, пули русӣ ҳафтаи навро нисбат ба арзи миллӣ бо болоравӣ оғоз карда, ҳоло дар ҷумҳурӣ 1000 рубл 124,2 қимат дорад.
Ин дар ҳолест, ки қабл аз рӯзҳои истироҳатӣ 1000 рубл 123,3 сомонӣ муқаррар шуда буд.
Аммо евро ва доллар дар қиболи пули тоҷикӣ арзонтар шудаанд.
Агар ду рӯз қабл бар ивази ҳар доллар 10.9540 сомонӣ медоданд, ҳоло 10.9514 сомонӣ медиҳанд.
Тибқи иттилои Бонки миллӣ дар бозори арз барои як евро 11.9918 сомонӣ медиҳанд. Ин дар ҳолест, ки дар охири ҳафтаи гузашта қурби ҳар евро 12.0297 сомонӣ муқаррар шуда буд.
Бонки миллии Тоҷикистон ҳамчунин нархи миёнаи харидуфурӯши пулҳои хориҷиро дар ташкилотҳои қарзии кишвар ироа намудаст.
Ба иттилои ин ниҳод, 1 доллари ИМА 10.9600 то 10.9400 сомонӣ, 1 евро аз 12.0500 то 12.1500 сомонӣ ва 1000 рубли русӣ аз 124 то 125,5 сомонӣ харидуфурӯш мешавад.
БМТ ҳушдор додаст, ки берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст.
Таъкид шудааст, ки риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад.