ДУШАНБЕ, 28 дек — Sputnik. Иттиҳоди Аврупо ба маънои хуб "ояндаи дурахшон" надорад.
Дар ин бора вазири умури хориҷии Русия Сергей Лавров дар мусоҳиба бо РИА "Новости" ва шабакаи телевизионии "Россия 24" изҳор дошт.
"Ба маънои дигар, онҳо аллакай ин ояндаро барои худ муайян кардаанд",- гуфт ӯ.
Дар мавриди Иёлоти Муттаҳида, ба гуфтаи Лавров, "танҳо як зарбаи ҷиддии дохилӣ метавонад Иёлоти Муттаҳидаро аз эҳсоси бартарии худ раҳо кунад."
Вазир қайд кард, ки "ин махсусан дар амали маъмурияти демократҳо, дар кушиши тобеъсозии на танҳо тамоми ҷаҳон, балки мамлакати худ бар хилофи сарқонуни худ, равшан зоҳир гардид".
Лавров ҳамчунин дар бораи назарияи он ки раҳбарияти Исроил дар бораи нақшаҳои ҷунбиши Ҳамоси фаластинӣ барои анҷоми ҳамлаи рӯзи 7 октябр пешакӣ медонист, изҳори назар кард.
"Ман гуфта наметавонам, ки Исроил, агар қаблан медонист, ки Ҳамос ба ҳамла омодагӣ мебинад, ҳеҷ чорае намеандешидааст", — боварӣ дорад вазири рус.