ДУШАНБЕ, 29 ноя — Sputnik. ТАЛКО ва "Уралмаш" ният доранд, ки ба маблағи 3 миллиард рубл созишнома имзо кунанд.
Дар ин бора Шералӣ Кабир, вазири саноати Тоҷикистон дар мулоқот бо ҳайати вилояти Свердловск хабар дод.
Қайд карда мешавад, ки корхонаи асосии металлургии ҷумҳурӣ аз "Уралмаш" харидани таҷҳизоти русиро дар назар дорад.
"Имрӯз мо шоҳиди гуфтушунидҳои хеле хуб будем ва бовар дорем, ки дар ояндаи наздик созишномаи дахлдор ба маблағи тақрибан 3 миллиард рубл ба имзо хоҳад расид", - шарҳ дод вазири тоҷик.
Ёдовар мешавем, ки дар доираи як мулоқот раиси вилояти Суғд Раҷаббой Аҳмадзода гуфта буд, таҳримҳои Ғарб Тоҷикистону Русияро танҳо ба сӯи ҳамкориҳои наздик тела медиҳад.
Инчунин пеш аз ин Эмомалӣ Раҳмон, раисиҷумҳури Тоҷикистон, бо раиси вилояти Свердловск Евгений Куйвашев мулоқот кард.
Ҷонибҳо ҳамчунин имконоти ҷалби сармоягузорӣ ва густариши ҳамкориҳои иқтисодии ду минтақаро баррасӣ карданд.
ТАЛКО бузургтарин ширкати истещсолкунандаи алюмини дар фазои пасошӯравӣ буда, иқтисори солонаи он беш аз ним миллион тонна аст.
Он соли 1964 таъсис шуда, ҳоло дар умум 10 ширкати тобеъро бо сармоягузориҳои хориҷӣ фаъол кард ва ҳоло 60% ашёи хоми худро аз дохил ба даст меорад.